Një person ka mbetur i plagosur rëndë pas një aksidenti të ndodhur këtë të mërkurë në aksin rrugor Milot-Rrëshen, në dalje të Rubikut.
Sipas informacioneve paraprake, një makinë tip Volkswagen ka humbur kontrollin, duke u përplasur me barrierën mbrojtëse dhe më pas ka përfunduar jashtë rruge.
Sipas policisë së Mirditës, ngjarja ka ndodhur rreth orës 15:10, në Rrugën e Kombit. I plagosuri, një 21-vjeçar me inicialet B.B, është transportuar për në Spitalin e Traumës, në Tiranë, për të marrë ndihmën e nevojshme mjekësore.
Grupi hetimor vazhdon veprimet hetimore për zbardhjen e plotë të shkaqeve të aksidentit. (A2 Televizion)
A2 CNN Livestream
MUND TE LEXONI GJITHASHTU
