Aksident spektakolar në Shtetet e Bashkuara, piloti i njohur në gjendje të rëndë

Dytona 500 është më shumë se një garë e rëndësishme e kampionatit NASCAR në Shtetet e Bashkuara, është një nga “mitet” e automobilizmit amerikan.  

Por fitorja e djeshme e Denny Hamlin u zbeh nga aksidenti spektakolar dhe tragjik i pilotit ekspert Ryan Newman. Në xhiron e fundit, makina e tij që po luftonte për fitoren u përplas me murin rrethues dhe me një tjetër mjet, duke fluturuar disa sekonda në ajër.

Piloti 42-vjeçar u shtrua urgjentisht në spitalin e Halifax, dhe ndodhet në gjendje të rëndë por jashtë rrezikut për jetën.

Newman kishte fituar pikërisht këtë garë në vitin 2008, dhe është një nga veteranët e kategorisë, me  19 vjet eksperiencë në NASCAR.

Praying for Ryan Newman, a great and brave @NASCAR driver! #PrayingForRyan

— Donald J. Trump (@realDonaldTrump) February 18, 2020

 Një sportist i dashur nga publiku, sa që vetë presidenti Donald Trump ka shpërndarë në Twitter një postim ku lutet për shëndetin e tij. (A2 Televizion)