SHÇBA në drejtorinë vendit të Policisë Shkodër ka vënë një pranga dy shtetas, njëri prej tyre me detyrë punonjës policie në Komisariatin e Policisë së Malësisë së Madhe. Arrestimi i tyre ka ardhur pas aksidentit tragjik me dy të vdekur mëngjesin e sotëm, në aksin rrugor Koplik-Shkodër.
Në pranga është vënë edhe drejtuesi i mjetit tip Audi si dhe shoferi i mjetit tip Mercedes Benz, me drejtues shtetasin M.B., me të cilin udhëtonin si pasagjerë Serxho Kuka, 21 vjeç dhe Eglis Delaj 20 vjeç, të cilët humbën jetën.
Policia sqaron se drejtuesi i Mercedesit, pasi ka humbur kontrollin e mjetit, është përplasur me kolonën e një muri rrethues. Si pasojë e kësaj përplasjeje, ka gjetur vdekjen e menjëhershme shtetasi Serxho Kuka, 21 vjeç, dhe Eglis Delaj ndërroi jetë teksa po transportohej për në spitalin rajonal.
Grupi hetimor ka siguruar pamjet filmike nga momenti i aksidentit dhe pas hetimeve në vendngjarje kryen arrestimin në flagrancë të shtetasve: M.B., 19 vjeç dhe V.N., 53 vjeç, me detyrë punonjës policie në Komisariatin e Policisë së Malësisë së Madhe.
Hetimet vazhdojnë për zbardhjen e plotë të kësaj ngjarje. (A2 Televizion)
A2 CNN Livestream
MUND TE LEXONI GJITHASHTU
