Pas eksodit të punonjësve shëndetësorë drejt vendeve më të pasura të Europës, Shqipëria po përballet me largime në një sferë që rrezikon novacionin dhe progresin teknologjik të vendit.
Një studim i Fondacionit Europian të Trajnimeve (ESF) mbi efektet e emigracionit në tregun e punës në Ballkanin Perëndimor, tregon se vetëm në 5 vitet e fundit, vendin e kanë braktisur mbi 2 mijë të rinj të formuar në fushën e teknologjisë së informacionit.
“Të mbash specialistët e teknologjisë është sfide më e madhe sesa të mbash mjekët. Kjo sepse ndryshimi i tregut është i jashtëzakonshëm, në Europë kërkohen 1 milion programistë, Europa është në plakje dhe sytë e saj janë nga Ballkani”, thotë Erion Nako , ekspert IT i Protik.
Po cilat janë arsyet që fryma e largimit ka përfshirë edhe këtë profil të rinjsh?
“Në treg janë rritur pagat por nuk ka ende kulturë e pune, dhe ka më hapësira jashtë”, thotë ekspertja e tregut të punës Erka Cako.
Për të rinjtë, frenimi i largimeve mund të nisë me krijimin e mekanizmave që lidhin nevojat e tregut të punës me profilet e studimit.
Gjermania është destinacioni kryesor edhe për të rinjtë nga fusha e teknologjisë së informacionit. Titulli i shqipëruar i raportit të ESF është “Angazhojini ose do t’ju largohen”. (A2 Televizion)
A2 CNN Livestream
MUND TE LEXONI GJITHASHTU
