Presidenti francez Emmanuel Macron këndoi këngën La Bohème të Charles Aznavour gjatë një darke zyrtare në Jerevan të hënën, ndërsa kryeministri armen Nikol Pashinyan e shoqëroi në bateri.
Macron qëndronte i ulur pranë një pianisti, me mikrofon në dorë, duke interpretuar këngën klasike që pasqyron trashëgiminë franko-armene të Aznavour. Të ftuarit në darkë ndoqën dhe duartrokitën, shkruan A2 CNN.
Performanca u zhvillua gjatë vizitës shtetërore të Macron në Armeni, në kuadër të samitit të parë dypalësh mes Bashkimit Europian dhe Armenisë. Presidentja e Komisionit Evropian Ursula von der Leyen dhe presidenti i Këshillit Evropian Antonio Costa mbërritën në Jerevan të martën për bisedime, të cilat u fokusuan në forcimin e lidhjeve në energji, transport dhe lidhshmëri digjitale.
Presidenti i Armenisë nënshkroi një ligj që krijon bazën ligjore për anëtarësimin në BE, ndërsa vendi kërkon të zgjerojë lidhjet ndërkombëtare përtej aleatit të tij tradicional, Rusisë. (A2 Televizion)
