Pak nga pak moti po fillon të ndryshojë, edhe pse ende temperaturat kanë qenë jo pak të larta. Në një kohë kur dimri është një stinë e dashur për shumë njerëz, në të njëjtën kohë ka diçka që të gjithë e urrejnë në këtë mot dhe kjo është mundësia e madhe për t'u sëmurur.
Pra, nëse jeni dikush që teshtin vazhdimisht, ka dhimbje të fytit ose kollitet sa herë që ndryshon moti, thjesht dijeni që nuk jeni vetëm. Dimri është stina e sëmundjeve. Mirwpo, a keni menduar ndonjëherë pse? Pse sëmureni këtë periudhë të vitit?
Pse sëmureni kur ndryshon moti?
Ndryshimi i temperaturës siguron mjedisin e duhur për të mbizotëruar grupe të ndryshme bakteresh dhe virusesh, të cilat më pas përhapin sëmundje infektive dhe viruse. Një nga viruset më të zakonshme, i quajtur rhinovirus human (i njohur edhe si HRV) është përgjegjës për shkaktimin e 40% të ftohjeve. Ky virus përhapet kryesisht kur ajri është i thatë dhe i ftohtë, si në dimër.
Mirwpo, përveç motit të ftohtë, fajtor është edhe sistemi juaj imunitar. Së pari sistemi imunitar dobësohet me ndryshimin e stinëve. Për të mos përmendur, sistemi imunitar duhet të punojë më shumë në dimër, pasi viruset e gripit shtohen teksa ajri bëhet më i ftohtë.
Së dyti, me afrimin e dimrit, ekspozimi juaj ndaj vitaminës D ulet. Mbani në mend se vitamina D është thelbësore për funksionimin optimal të sistemit imunitar. Ai punon me qelizat tuaja imune për të trajtuar reaksionet e alergjive sa herë që trupi është nën sulm. Me nivele të reduktuara të vitaminës D, sistemi imunitar nuk arrin të njohë viruset e dëmshëm dhe të përshtatet në përputhje me rrethanat.
Së treti, enët e gjakut në sistemin tuaj të frymëmarrjes ngushtohen në mot të ftohtë. Si rezultat, qelizat e bardha të gjakut që supozohet të arrijnë këto enë gjaku mund të bllokohen, duke penguar trupin të luftojë mikrobet. (A2 Televizion)
A2 CNN Livestream
MUND TE LEXONI GJITHASHTU
