Aktori amerikan James Earl Jones, i njohur më së shumti për zërin e antagonistit të filmave Star Wars, Darth Vader, ka vdekur në moshën 93-vjeçare.
Jones ka luajtur në shumë filma hollivudianë, si “Field of Dreams”, “Coming To America”, “Conan the Barbarian” dhe “The Lion King”, shkruan A2 CNN.
Gjatë karrierës së tij ai fitoi 3 Çmime Tony, 2 Emmy dhe 1 Grammy, si dhe një Çmim Oscar në vitin 2011 për karrierën.
Në vitin 1971, ai u bë i dyti aktor me ngjyrë që emërohej për Oscar si aktori më i mirë protagonist, pas Sidney Poitier.
I lindur në Misisipi në janar 1931, Jones pati rrëfyer se e kishte të pamundur të fliste gjatë fëmijërisë për shkak se belbëzonte. Ai shpjegoi se duke punuar për të zgjidhur këtë problem arriti të formonte edhe zërin karakteristik që e shoqëroi gjatë gjithë karrierës, shkruan A2 CNN.
Edhe pse mbahet mend më shumë për zërin e Darth Vader, Jones ka thënë se për atë rol në filmin e parë ka fituar vetëm 9000 dollarë.
Ai gjithashtu ka luajtur edhe në teatër, duke portretizuar disa nga personazhet më të famshëm shekspirianë, si Otellon dhe Mbretin Lir. (A2 Televizion)
A2 CNN Livestream
MUND TE LEXONI GJITHASHTU
