Atletja bjelloruse që refuzoi urdhrin për t’u kthyer me forcë në atdhe përpara garës Olimpike, është larguar nga Japonia. Kristina Timanovskaja, udhëtoi drejt Vjenës në Austri këtë mëngjes. 24-vjeçarja pritej të udhëtonte për në Varshavë të Polonisë, vend i cili i dha një vizë humanitare, po ndryshoi destinacion në minutën e fundit.
Ajo u tha reporterëve se veprimet e saj nuk janë një protestë politike.
“E dua vendin tim dhe nuk po e tradhtoj atë”, u shpreh atletja përpara se të fluturonte drejt Austrisë.
Timanovskaja shtoi se kjo është një shenjë proteste kundër drejtuesve të ekipit olimpik bjellorus.
24-vjeçarja ditë më parë ngriti shqetësime për sigurinë e saj pasi u urdhërua që të mblidhte sendet personale dhe po detyrohej me forcë të kthehej në Bjellorusi. Fillimisht iu garantua mbrojtje në hotelin ku qëndronte dhe më pas u zhvendos për në ambasadën e Polonisë në Tokio, ku iu garantua dhe viza humanitare. (A2 Televizion)
A2 CNN Livestream
MUND TE LEXONI GJITHASHTU
