Banorë të fshatit Trevllazër në bashkinë e Vlorës protestuan paraditen e kësaj të marte para bashkisë së qytetit bregdetar duke kërkuar, rrugë dhe ujë. Banorët tentuan të shkonin në zyrën e kryetarit të Bashkisë së Vlorës, Dritan Leli, por janë ndaluar nga policia bashkiake.
Sipas tyre rruga prej 5 km që të çon në fshat është tejet e amortizuar dhe se gjysma e fshatit vuan edhe mungesën e ujit.
Për këto shqetësime, banorët e fshatit Trevllazër kanë marrë gjithnjë premtime në fushata elektorale, por asnjëherë nuk është bërë asgjë konkrete.
Sipas Bashkisë së Vlorës, projekti për rrugën e fshatit Trevllazër është miratuar në Këshillin Bashkiak dhe pritet që së shpejti të nisin punimet. (A2 Televizion)
A2 CNN Livestream
MUND TE LEXONI GJITHASHTU
