Bashkimi Europian: Nuk jemi përfshirë në propozime për legalizimin e kanabisit mjekësor në Shqipëri

Bashkimi Europian, përmes një deklarate zyrtare në Facebook, ka specifikuar se ky institucion nuk ka dijeni dhe nuk ka marrë pjesë në draft-raporte ku propozohet legalizimi i kanabisit për qëllime mjekësore.

“Pas kërkesave të disa mediave, ne duam të sqarojmë se Komisioni Evropian dhe Delegacioni i BE-së nuk kanë qenë të përfshirë në përgatitjen, hartimin ose konsultimin e draft-raporteve në lidhje me planet për kultivimin dhe legalizimin e kanabisit në Shqipëri për qëllime mjekësore”. thuhet në deklaratën e Delegacionit.

Konsultime mbi mundësinë e një plani për kultivimin e kanabisit për arsye mjekësore ishin përmendur nga kryeministri Rama në rastin e konferencës për shtyp të sotme me ambasadorin Soreca. (A2 Televizion)