Bashkimi Evropian ka vendosur, këtë të enjte, sanksione ndaj gjashtë individëve dhe një njësie që beson se ishte përfshirë në helmimin e liderit të opozitës ruse, Alexei Navalny. Individët janë disa nga zyrtarët e rangut më të lartë në Rusi, duke përfshirë një zëvendësministër të qeverisë dhe zëvendësshef të stafit, në zyrën e presidentit Vladimir Putin.
BE ka vendosur sanksione edhe për Institutin Shtetëror të Kërkimit Shkencor për Kiminë dhe Teknologjinë Organike, organi rus përgjegjës për shkatërrimin e rezervave të armëve kimike të epokës Sovjetike.
BE tha se përdorimi i Novichok në një sulm kundër Navalny do të ishte i mundur vetëm për shkak të dështimeve të Institutit për të shkatërruar rezervat e mbetura.
Navalny u sëmur rëndë në një fluturim të brendshëm nga Siberia në Moskë më 20 gusht, duke rënë përfundimisht në koma në një spital në Omsk. (A2 Televizion)
A2 CNN Livestream
MUND TE LEXONI GJITHASHTU
