“Cilido që është i aftë të krijojë fraksione është i mirëpritur. Fraksionet kanë rrgullat e tyre kush të dojë ti krijojë sipas rregullit”. Kështu iu përgjigj qytetarëve të Kukësit ish-lideri historik i së djathtës Sali Berisha në Foltoren e radhës, duke premtuar se do ta shndërrojë PD-në në në shtëpinë e vërtetë të lirisë të burrave dhe grave të ndershëm shqiptarë
“Ne do ta bëjmë këtë parti më demokratike do ta lartësojmë në nivelin e idealeve për ta shndërruar PD-në në shtëpinë e vërtetë të lirisë të burrave dhe grave të ndershëm shqiptarë”.
Duke përshëndetur delegatët që kanë firmosur mbledhjen e kuvendit Kombëtar, Berisha theksoi se ai Kuvend do të marrë vendimet më të mira demokratike, teksa premtoi rikthim të fuqishëm.
“Ai kuvend do të kthejë forcën e lirisë. Firmosni formularin dhe mblidhemi në kuvendin tonë për vendimet më të mira e demokratike për të ndryshuar veten dhe Shqipërinë. Do të kthehem fuqishëm për të mbrojtur hapur çdo interes publik të shqiptarëve”.
Një tjetër premtim që Berisha u bëri demokratëve të Kukësit ishin edhe primaret, që sipas tij anëtarësia voton për të zgjedhurit, por vlerë do të ketë edhe vota e mbështetësve.
“Disa rregulla do t’i qartësojmë në statut me vullnetin tuaj nuk do të mundet kush të lozë. Më mirë qiri i fikun se qiri i fëlliqun. Kjo s’mund të ndodhë kurrë. Ju do përcaktoni të zgjedhurin tuaj. Do vendosim primaret. Primaret janë që të zgjedhurit vendorë i zgjedh gjithë anëtarësia dhe voton për të dalë në krye ai që merr vota më shumë. Ky është një variant. I dyti është që të votoni jo vetëm ju, por mbështetësit tanë dhe të vijnë të votojnë me ne për të përcaktuar kryetarin, deputetin, kryetarin e bashkisë e me radhë dhe këshiltarë. Ish-kryetari kur mori karrigen në 2013 kishte përjashtuar nga gara kryetarët e degëve dhe seksioneve. Këto marrin fund. Ish-kryetari ka vendosur në statut që nëse kandidojnë do të japin dorëheqjen kurse ai vetë jo. Ai duhet të ikë sa më parë”. (A2 Televizion)
A2 CNN Livestream
MUND TE LEXONI GJITHASHTU
