10 viktima dhe 1397 raste të reja është bilanci nga koronavirusi në Itali në 24 orët e fundit. Shifrat e ditës së fundit janë më të larta krahasuar me ato të së mërkurës kur u regjistruan 1326 të infektuar dhe 6 viktima.
Autoritetet shëndetësore raportojnë se janë kryer 92 mijë tamponë, pak më pak nga një ditë më parë kur testimet arritën në mbi 100 mijë.
Megjithatë, lajmi i keq vjen nga terapitë intensive ku 11 persona të tjerë janë shtruar në spitale për mjekim më të specializuar.
Ministria e Shëndetësisë raporton se që nga nisja e epidemisë në mbarë vendin janë kryer më shumë se 8.9 milionë testime. (A2 Televizion)
A2 CNN Livestream
MUND TE LEXONI GJITHASHTU
