Blinken: Faleminderit Edi Rama për ofertën e Shqipërisë për të siguruar strehim për afganët në nevojë

Sekretari Amerikan i Shtetit, Antony J. Blinken është konsultuar me kryeminsitrin Edi Rama në lidhje me strehimin e afganëve në Shqipëri.

Zëdhënësi i Departamentit të Shtetit, Ned Price, bëri të ditur përmes një njoftimi të shkurtër për mediat se Blinken falënderoi Ramën për ofertën e bërë.

Në një postim në Twitter, vetë Blinken shkroi: "Faleminderit Edi Rama për ofertën e Shqipërisë për të siguruar strehim për afganët në nevojë. Jam shumë mirënjohës për partneritetin mes Shteteve të Bashkuara dhe aleatit tonë në NATO".

Në një prononcim për një gazetë italiane gjatë të enjtes, Rama tha se Shqipëria do të merrte 2-3 mijë afganë, të paktën 1000 prej të cilëve pritet të mbërrijnë këtë javë në vendin tonë. (A2 Televizion)