Nga Petro Koçi
Me shumë shqetësim përcolla informacionin që transmetuan disa agjenci lajmesh në Kosovë sipas të cilit një përfaqësuese e Gjykatës Speciale, që aktualisht po gjykon udhëheqës të UÇK përfshirë ish-presidentin Hashim Thaçi, ka zhvilluar biseda në shkolla të Kosovës ku i bën gjyqin luftës për çlirimin e Kosovës duke e inkriminuar atë haptaz, me vlerësime denigruese dhe dënuese.
Ky është një zhvillim jo vetëm provokues, por mirëfilli i papranueshëm.
I gjithë faktori politik, institucional dhe shtetëror në Kosovën e pavarur duhet të bashkohet e të dënojë me vendosmëri këtë akt të fëlliqur antishqiptar dhe proserb.
Modestisht propozoj që personi përgjegjës të shpallet urgjentisht Non Grata në Republikën e Kosovës.
Dinjiteti i luftës për liri, i sakrificave dhe gjakut të dëshmorëve të UÇK duhet të vihet në vend e të mos guxojë askush të përbaltë shenjtërinë e padiskutueshme të asaj lufte. (A2 Televizion)
A2 CNN Livestream
MUND TE LEXONI GJITHASHTU
