Sipas nënkryetarit të Partisë Demokratike, Luçiano Boçi, Edi Rama festoi hapjen e negociatave të vendit tonë me Bashkimin Europian, ditë që e mbajti peng prej 10 vitesh. Boçi nënvizoi se Rama feston me flamurin e BE, por nëpërkëmb vlerat e tij çdo ditë në Shqipëri.
“Edi Rama u kthye nga Brukseli dhe nxori orkestrën në rrugë për të festuar një datë që ka 10 vjet që e mban peng. Festoi siç e ka zakon, edhe para katër vjetësh, me dekorata, shampanjë dhe fishekzjarrë hapjen e negociatave duke i gënjyer shqiptarët sy për sy, se negociatat ishin hapur. Ngriti flamurin e BE ndërkohë që vlerat e saj i nëpërkëmb çdo ditë. Mjaft të kujtoni fyerjet në adresë të përfaqësuesve të vendeve europiane kur i kritikuan amnistinë fiskale”, tha ai në një dalje për mediat.
“Foli si monist për opozitën dhe e konsideroi të ndarë, duke i mbyllur sytë para bashkimit të madh popullor dhe opozitar më 7 korrik. Partia Demokratike e ka përshëndetur dhe do ta mbështesë pa asnjë hezitim procesin e çeljes së negociatave, duke theksuar se ato i hapen Shqipërisë dhe prirjes europiane të vendit, jo qeverisë”. (A2 Televizion)
A2 CNN Livestream
MUND TE LEXONI GJITHASHTU
