Shefi i Politikës së Jashtme dhe Sigurisë, Josep Borrell, zhvilloi një takim me liderët e Ballkanit Perëndimor ku ishin të pranishëm kryeministri Rama, presidentja e Kosovës, Osmani, presidenti Vuçiç, kryeministri në largim i Malit të Zi, Abazoviç etj.
Diskutimet mes liderëve u fokusuan te lufta në Ukrainë dhe ndikimin që ajo ka sjellë në ekonominë e botës dhe rajonit tonë.
Në njoftimin e Brukselit zyrtar shkruhet se Borrell iu shprehu angazhimin liderëve të Ballkanit se BE-ja do të jetë krah tyre në përballimin e krizave që ka sjellë lufta në Ukrainë.
“BE-ja dhe Ballkani Perëndimor do të qëndrojnë së bashku në përballje me sfidat që sjell lufta e paprovokuar e Rusisë kundër Ukrainës në nivel botëror. BE-ja përfshin Ballkanin Perëndimor në nismat e saj për të zbutur ndikimet e luftës”, shkruhet në njoftim.
Gjithashtu, Borrell diskutoi me liderët e Ballkanit se si do të mund të adresojnë së bashku pasojat dëmtuese të kësaj lufte mbi çmimet e ushqimit dhe energjisë dhe të stabilitetit dhe sigurisë në Evropë dhe botë.
Borrell u ka premtuar shteteve të Ballkanit Perëndimor se blloku evropian do t’i ndihmojë për të rritur sigurinë energjetike dhe për të adresuar kërcënimet hibride, përfshirë ato kibernetike. (A2 Televizion)
A2 CNN Livestream
MUND TE LEXONI GJITHASHTU
