Universiteti Bujqësor i Tiranës shënoi 70 vjetorin që prej themelimit në vitin 1951. Drejtuesit e këtij institucioni të Arsimit të lartë theksuan arritjet mes shume sfidash, që nga njohja ndërkombëtare e diplomave, ecuria në kërkimin shkencor dhe mbështetja për fermerët.
Në 70 vite Universiteti Bujqësor i Tiranës, ka një specifikë që e dallon nga të tjerat. Rektori Fatbardh Sallaku u shpreh krenar se, qoftë si Institut, kur u krijua në 1951, edhe si Universitet, studentëve të Bujqësorit u njihen ndërkombëtarisht diplomat dhe lajmi i këtij viti për ta është edhe aprovimi i programit të doktoratave.
Ministrja e Bujqësisë Frida Krifca, teksa pranoi vështirësitë me të cilat sektori i bujqësisë përballet, theksoi nevojën që vendi ka për studentë dhe punonjës të kualifikuar. “Libri i Fermerit” dhe ngritja e Urdhrit të Agronomit ishin dy ndër premtimet që ministrja e Bujqësisë bëri në kuadër të garantimit të sigurisë ushqimore për konsumatorin.
Ministrja e Arsimit Evis Kushi në fjalën e saj vlerësoi rolin e Universitetit Bujqësor në kërkimin shkencor ndërsa kryetari i Konferencës së Rektorëve, Artan Hoxha diktoi kontributin që ky institucion jep në zhvillimin e vendit. (A2 Televizion)
A2 CNN Livestream
MUND TE LEXONI GJITHASHTU
