Një 37-vjeçar anglez ka fituar garën e çuditshme që zhvillohet në Uells, ku njerëzit dhe kuajt vrapojnë së bashku.
Ricky Lightfoot bëhet kështu njeriu i tretë që e fiton këtë garë që kur ka nisur të organizohet, në vitin 1980.
36 kilometrat e kësaj gare, anglezi i mbylli me kohën 2 orë, 22 minuta dhe 23 sekonda, duke lënë pas rreth 1000 burra të tjerë dhe 50 kuaj.
“Është e mrekullueshme të fitosh këtë garë dhe të mundësh kuajt. Isha i bindur që do të isha një konkurrent i denjë për kuajt, por nuk prisja të fitoja”, tha Lightfoot.
Hera e fundit që një njeri kishte mundur një kalë ka qenë në vitin 2007, ndërsa hera e parë që diçka e tillë ndodhte, ishte viti 2004. (A2 Televizion)
A2 CNN Livestream
MUND TE LEXONI GJITHASHTU
