Celibashi publikon shifrat e votuesve të rinj për zgjedhjet e 25 prillit

Kur na ndajnë 16 ditë nga zgjedhjet parlamentare të 25 prillit, kreu i Komisionit Qendror të Zgjedhjeve Ilirjan Celibashi ka publikuar numrin e votuesve të rinj, që do kenë mundësi të votojnë këtë vit.

Në një postim në faqen e tij në Facebook, kreu i KQZ-së bën të ditur se janë 107 024 votues të rinj që do të kenë mundësinë të votojnë në 25 prill.

“107,024 të rinj do të votojnë për herë të parë në 25 prill 2021. KQZ mbështet CoE Office in Albania dhe Akademia e Studimeve Politike në fushatën informuese për të rinjtë që votojnë për herë të parë në zgjedhjet për Kuvendin e Shqipërisë”, shkruan Celibashi.

Më pas ai ka publikuar edhe një video ku tregon mënyrën e duhur për të plotësuar fletën e votimit. (A2 Televizion)