Dhjetëra mjete u fikën në bulevardin kryesor të qytetit të Elbasanit në shenjë proteste për çmimin e lartë të karburanteve dhe shtrenjtimin e jetesës.
Protesta e thirrur nga dega lokale e Partisë Demokratike është e para e këtij lloji, që synon ta shtrijë në të gjithë vendin, me qëllim për të ringritur reagimin qytetar ndaj asaj që deputetë të PD-së e cilësojnë si vjedhje të qeverisë socialiste ndaj qytetarëve.
Protestës iu bashkuan edhe qytetarë që nuk disponojnë automjete, por që shtrenjtimi i produkteve bazë ushqimore u ka vështirësuar jetesën.
Protesta ka vijuar e qetë dhe pa incidente, ndërsa policia ka vëzhguar në distancë, duke marrë masat për shmangien e trafikut në akset e tjera të qytetit. (A2 Televizion)
A2 CNN Livestream
MUND TE LEXONI GJITHASHTU
