Kryeministri i Britanisë së Madhe, Boris Johnson, reagoi pas vendimit të fundit të Turqisë, e cila me heqjen e vetos i krijoi mundësinë NATO-s të zgjerohet më tej me dy vende të tjera.
"Mësimi i parë që duhet nxjerrë është se nëse Vladimir Putin shpresonte të kishte më pak NATO në kufij, ai gaboi: pas pushtimit të Ukrainës ai do të ketë më shumë NATO", u shpreh Johnson në Madrid.
"Ky është një samit historik në shumë mënyra, ne do të kemi dy anëtarë të tjerë dhe është një hap përpara për Aleancën; ne do të kuptojmë më pas se si mund ta ndihmojmë më tej Ukrainën, por duhet të nxjerrim mësimet e muajve të fundit dhe të rishikojmë pozicionin tonë në frontin lindor”, shtoi Johnson.
Kryeministri britanik ka qenë një ndër mbështetësit kryesorë të Ukrainës që nga nisja e luftës dhe shpeshherë zyrtarët rusë kanë paralajmëruar skenarët më të dhunshëm ndaj Mbretërisë së Bashkuar nëse do të kishte një përshkallëzim të konfliktit. (A2 Televizion)
A2 CNN Livestream
MUND TE LEXONI GJITHASHTU
