Tërmeti i 21 shtatorit ka bërë që banesa e familjes Keçi në Shijak të dalë jashtë përdorimit. Por, 7 anëtarët e saj jetojnë ende në këtë shtëpi, mes rrezikut dhe shpresës se e keqja do t’i kursejë. E zonja e shtëpisë, Besnikja kërkon ndihmë, ndërsa tregon vështirësitë për të mbijetuar.
Shtëpia e familjes Keçi është një ndër 62 banesat, që u bënë të pabanueshme në Bashkinë e Shijakut si pasojë e tërmetit, por në pritje të procedurave, pasi dosja e saj është miratuar në mbledhjen e Këshillit Bashkiak.
Blerimi është i vetmi nga 7 anëtarët e familjes Keçi, që ka siguruar punë për të mbajtur familjen, ku përveç varfërisë, problemeve shëndetësore të 3 prej tyre, iu shtohet tashmë dhe dëmtimi i banesës. Ai tregon se Bashkia i ka ofruar që të strehohet në një nga qendrat e vëna në dispozicion, por e ka të pamundur për shkak të problemeve shëndetësore të babait, nënës dhe vëllait të tij.
Burime pranë Bashkisë së Shijakut bëjnë me dije për A2 se është bërë i mundur evidentimi i të gjithë rasteve të dëmtimeve të pjesshme apo totale, ndërsa pritet vendimi i qeverisë për lëvrimin e fondeve dhe më pas dëmshpërblimi për përfituesit. (A2 Televizion)
A2 CNN Livestream
MUND TE LEXONI GJITHASHTU
