Me dhjetëra makina kanë mbetur të bllokuara në Rrugën e Arbrit, e inauguruar para pak orësh.
Ish-deputeti demokrat Xhemal Gjunkshi, përmes një videoje të postuar në rrjetet sociale thotë se bllokimi i rrugës nga bora ka krijuar kaos dhe pasiguri. Mjetet kanë ngecur në afërsi të qafës së Murrizit pranë Klosit.
Nga videoja e postuar nga Gjunkshi duken me dhjetëra mjete në të dyja korsitë që kanë mbetur të bllokuara. Mes të tjerave ish-deputeti thotë se qeveria të marrë masa urgjente dhe të garantojë sigurinë e jetës të qindra qytetarëve, familjarëve të cilët po qëndrojnë në kushte mjaft të vështira për shkak të dëborës, ngricës dhe acarit.
(A2 Televizion)
A2 CNN Livestream
MUND TE LEXONI GJITHASHTU
