Prania e këtyre makinave të tonazhit të rëndë në ambientet e Rafinerisë së Ballshit, alarmoi naftëtarët të cilët rendën pas tyre, duke bllokuar portën hyrëse.
Dyshimet e para i kanë se këto mjete janë dërguar nga kompania private që e administron Rafinerinë, për demontimin e saj. Ky proces për ta do të ishte fikje e çdo shprese për rikthimin e tyre në punë.
Për më shumë se 3 vite, naftëtarët nuk po e ushtrojnë profesionin e tyre dhe kërkojnë që të mos shkojë për skrap, ai që ishte burimi kryesor i të ardhurave për qytetin.
Çdo lloj ndërhyrjeje në rafineri me punonjës të jashtëm, sipas naftëtarëve është mjaft e rrezikshme. Nëntoka ka hidrokarbure të ndryshme, të cilat edhe mund të shpërthejnë nga pakujdesia.
Problem i tyre i madh janë edhe rrogat e prapambetura, gjyqi për të cilat vijon të zvarritet.
Pas shumë përpjekjesh, naftëtarët u njoftuan se një grup pune do të ngrihet nga Ministria për të dakordësuar dhe zbuluar më tepër, rreth situatës që po ndodh në Ballsh. (A2 Televizion)
A2 CNN Livestream
MUND TE LEXONI GJITHASHTU
