Gjykata e Tiranës ka vendosur të lërë në burg 3 nga 4 personat e arrestuar për dhunën ndaj Jashar dhe Bilbil Majës në ambientet e një lokali në Krujë pak ditë më parë.
Pas hekurave mbetën Ineid Rraja, Eni Kulla dhe Andi Rraja. Ndërsa pronari i lokalit Kujtim Përdaku është lënë në detyrim paraqitje për “moskallëzim krimi”.
Ineidi dhe Andi Rraja kanë mohuar akuzat duke pretenduar se nuk kanë ushtruar dhunë ndaj dy kushërinjve Maja. Sipas avokatit, duhet të bëhet individualizimi i veprimeve të të gjithë personave të dyshuar, po ashtu avokati kërkoi që të ndëshkohen autorët e kësaj dhune.
Prokuroria ka pretenduar se individualizimi i veprimeve konkrete që ka kryer secili prej personave të dyshuar do të bëhet në themel, pasi është ende në fazën e hetimeve paraprake. (A2 Televizion)
A2 CNN Livestream
MUND TE LEXONI GJITHASHTU
