Partia Demokratike ka reaguar në një deklaratë për shtyp pas lajmit për djegien e makinës së kryetarit të Bashkisë së Vlorës, Dritan Leli.
Ish deputeti Flamur Noka shprehet se ngjarja e fundit në qytetin bregdetar është një tregues i shtetit të bërë njësh me krimin. Sipas tij, paprekshmëria e krimit të organizuar është arsyeja pse në Vlorë kanë dhënë dorëheqjen 9 drejtorë për çështjen e pronave.
“Në Vlorë po vepron krimi i organizuar që Edi Rama i ka dhënë pushtet, për arsyen e vetme se është krimi i organizuar që financon fushatën e Partisë Socialiste dhe që e ndihmon Edi Ramën të blejë vota e të vjedhë zgjedhjet. Tani, krimi kërkon akoma më shumë zgjerim, kërkon të blejë pasuri të patundshme. Paprekshmëria e krimit të organizuar dhe fuqizimi i tij gjatë qeverisjes së Edi Ramës është arsyeja pse në Vlorë kanë dhënë dorëheqjen 9 drejtorë për çështjen e pronave. Vetëm tre muajt e fundit kanë dhënë dorëheqjen, njëri pas tjetrit, 3 drejtorë kadastre”, deklaroi Noka.
Më tej, ish deputeti demokrat se lufta në Vlorë bëhet mes dy bandave për të grabitur bregdetin e Jalës.
“E vërteta është se kjo është një luftë mes bandave. Është një bandë e krimit të organizuar për të gllabëruar toka në bregdetin e Jalës, kundër bandës së qeverisë, që po e grabit atë me klientët e Edi Ramës, të cilëve u jep statusin e investitorit strategjik për të grabitur dhe betonizuar Rivierën shqiptare”, shtoi Flamur Noka. (A2 Televizion)
A2 CNN Livestream
MUND TE LEXONI GJITHASHTU
