Britania e Madhe mban peng administratën e presidentes së zgjedhur, Ursula Von Der Leyen. Londra i ka bërë të ditur Komisionit Europian se nuk do të nominojë një përfaqësues për ekzekutivin e ri të BE-së.
Ky vendim i Britanisë do të irritojë partnerët europianë ndërsa blloku dëshiron që ekzekutivi i ri i komisionit të nisë punën më 1 dhjetor.
Sipas rregullave të BE-së, të gjitha shtetet anëtare duhet të prezantojnë nga një komisioner. Britania largohet nga Unioni në fund të janarit të 2020, por deri atëherë mbetet anëtar me të drejta të plota.
Ky ngërç i shkaktuar nga refuzimi i Mbretërisë së Bashkuar, shton rrezikun që ekzekutivi i Von der Leyen të mos nisë punën më 1 dhjetor si pasojë e sfidave ligjore.
Ekipi i presidentes së zgjedhur të Komisionit Europian bën me dije se po shqyrtohen të gjitha opsionet e mundshme për të anashkaluar këtë pengesë. (A2 Televizion)
A2 CNN Livestream
MUND TE LEXONI GJITHASHTU
