Paulo Dybala shënoi golin më të bukur. Sulmuesi i Juventusit deklaroi sonte në faqet e tij zyrtare në rrjetet sociale se tashmë pas më shumë se një muaji e gjysmë ka mundur koronavirusin.
Argjentinasi plot fantazi deklaroi se ndihet shumë mirë dhe është gati të rifillojë stërvitjet me shokët e ekipit bardhezi. Ndërkohë, edhe lojtarët e fundit që kishin lënë Torinon po rikthehen. Pas Cristiano Ronaldos, tashmë eshtë rasti i francezit Blaise Matuidi.
Në pozicion dyshues tashmë mbetet vetëm Gonzalo Higuain, i cili ndodhet ende në Argjentinë.
Por pikërisht në Torino, vjen lajmi për një pozitivitet të ri ndaj COVID-19. Ekipi “granata” përmes një njoftimi zyrtar ka sqaruar se një prej lojtarëve, i paidentifikuar, ka rezultuar pozitiv edhe pse asimptomatik.
Lojtari ndodhet tashmë në izolim të rreptë, ndërkohë qe stafi torinist do t’i nënshtrohet vizitave dhe tamponit. (A2 Televizion)
A2 CNN Livestream
MUND TE LEXONI GJITHASHTU
