Ekspertët i tremben një tkurrje të mëtejshme të konsumit, për shkak të situatës post tërmet. Kjo pasi qytetarët dhe biznesi priren të jenë të pasigurt dhe rrjedhimisht, të shpenzojnë më pak e të kursejnë më shumë.
Rreziku i tkurrjes së konsumit është edhe një ndër pasojat negative që tërmeti do të ketë tek ekonomia. Efekte të tjera renditen goditja e ekonomisë të dy qyteteve të mëdha, Durrësit dhe Tiranës; prekja e sektorit të turizmit dhe ngadalësimi i rritjes ekonomike në tërësi.
“Konsumi sa vjen e ulet, ka edhe një ulje të çmimeve të konsumit, çka tregon që popullsia shqiptare sa vjen e konsumon më pak”, thotë për A2 Business, Ines Nurja, ish-drejtore e Institutit të Statistikave. “Këto vlera janë shumë problematike, pasi çojnë në deflacion. Tërmeti besoj se ka ndikuar, pasi një pjesë e madhe e njerëzve janë treguar më të kursyer, pasi shpenzimet që kishin planifikuar për Vitin e Ri, janë detyruar t’i shpenzojnë për qiratë që faktikisht janë në rritje, çka mund të çojë edhe në ulje të mëtejshme të konsumit”. (A2 Televizion)
A2 CNN Livestream
MUND TE LEXONI GJITHASHTU
