Interi fitoi mbrëmjen e djeshme në Bullgari ndaj Ludogorets me rezultatin 2-0, në ndeshjen e vlefshme për Europa League.
Christian Eriksen ishte ai që zhbllokoi rezultatin, duke shënuar golin e parë me zikaltërit. Danezi luajti për herë të parë 90 minutat e ndeshjes, ndërkohë që në ndeshjet e tjera nuk kishte luajtur kurrë më shumë se 60 minuta.
Por, pavarësisht golit, trajneri Antonio Conte vazhdon që të kërkojë më shumë nga mesfushori, duke thënë se atij i duhet të përmirësohet.
“Sonte luajti mirë, por ka shumë punë për të bërë dhe mund të luajë shumë më mirë”, deklaroi Conte, i cili mendon se Eriksenit i mungon ritmi dhe që është ende larg nivelit që tregoi te Tottenham.
“Jam i lumtur që shënoi sepse goli të ndihmon në vetëbesim, por duhet të rifitojë ritmin dhe intensitetin që kishte në vitet e kaluara”, shtoi Conte. (A2 Televizion)
A2 CNN Livestream
MUND TE LEXONI GJITHASHTU
