Liqeni Orovil në Kaliforni, thuajse i tharë plotësisht. Thatësira ekstreme ka bërë që uji të rrallohet aq shumë, saqë hajdutët po bëjnë gjithçka për ta vjedhur. 
Hajdutët e ujit çajnë tubacionet, por e vjedhin atë edhe nga lumenjtë dhe rezervuarët e fermave apo shtëpive private. 
José Huerta, banor në Lankaster, shet ujë me një çmim 100 dollarë fuçia 
Një fermë marijuane e shkatërruar nga policia në shkretëtirën pranë Lankasterit. 
Një serrë e kultivimit të kanabisit në San Bernardino, Kaliforni. Kultivuesit vjedhin ujin për të furnizuar biznesin e tyre. 
Zjarrfikësit në luftë me flakët, në Doil, Kaliforni. Hajdutët po vjedhin edhe ujin e tubacioneve të tyre, duke ua vështirësuar punën. 
Flakët shkrumbojnë një fushë në Doil, Kaliforni, 9 korrik 2021.
Thatësira ekstreme që ka kapluar Kaliforninë ka bërë që uji të rrallohet aq shumë, saqë hajdutët po bëjnë gjithçka për ta vjedhur atë nga burimet e çmuara.
CNN raporton se persona të ndryshëm po çajnë tubacionet e vendosura nga zjarrfikësit, por gjithashtu po marrin ujë nga lumenjtë, e madje edhe nga rezervuarët personalë të fermave apo shtëpive private në zonat rurale.
Autoritetet shtetërore dhe lokale thonë se ky është një problem që zgjat prej disa kohësh, por rastet e vjedhjes së ujit janë shtuar së fundmi për shkak të temperaturave të larta, që kanë shkaktuar thatësira të përmasave gjigante.
Që prej vitit 2013, autoritetet vlerësojnë se janë vjedhur më shumë se 45 miliardë litra ujë. Fenomeni ka shkaktuar më tepër dëme te fiset indigjene amerikane dhe komunitetet me numër të vogël banorësh.
Një pjesë e mirë e ujit të vjedhur përdoret edhe për të furnizuar fermat e marijuhanës. Deri tani, këtë vit, autoritetet thanë se kanë arrestuar 900 persona për kultivim të paligjshëm të kanabisit dhe kanë shkatërruar më shumë se 600 km tubacione uji. (A2 Televizion)
A2 CNN Livestream
MUND TE LEXONI GJITHASHTU
