Rusia e konsideron ”vijë të kuqe” mundësinë që Ukraina të anëtarësohet në NATO. Deklarata është bërë nga zëdhënësi i Kremlinit, Dmitry Peskov, i cili shprehu shqetësim nga bisedimet e Kievit për t’u bërë pjesë e planit të veprimit të aleancës ushtarake.
“Kjo është diçka të cilën po e monitorojmë me shumë kujdes dhe sigurisht që është një vijë e kuqe për ne, sa i përket perspektivës së Ukrainës për t’iu bashkuar NATO-s”, u shpreh Peskov.
Kjo vjen pas takimit historik mes presidentit rus, Vladimir Putin, dhe homologut Amerikan, Joe Biden, në Gjenevë.
Ata diskutuan dhe çështjen e Ukrainës, teksa SHBA-ja tha se do të garantojë sovranitetin e këtij shteti. Ndërsa presidenti ukrainas, Volodimir Zelenskiy, kërkoi nga Biden një përgjigje të qartë, po ose jo, për planin për t’u anëtarësuar në NATO. (A2 Televizion)
A2 CNN Livestream
MUND TE LEXONI GJITHASHTU
