Nga fillimi i pandemisë, emri dhe portreti i Anthony Faucit është shndërruar në një nga më të njohurit në botë. Ai është një nga ekspertët botërorë më të vlerësuar në fushën e sëmundjeve infektive, dhe këshilltar i presidentëve Trump dhe tani Biden në luftën kundër COVID-19.
Sipas tij, Shtetet e Bashkuara, por edhe vendet e tjera, po shkojnë në një drejtim të gabuar për sa i përket kësaj lufte. Dhe qartësisht flitet për vaksinimet.
“Po të shohësh kurbën e rasteve të reja, ajo përfshin personat e pa vaksinuara. Nga momenti që të paktën 50% e popullsisë nuk është totalisht e vaksinuar, ky është problem i madh”, deklaroi ai për CNN.
Disa skenarë alarmantë tregojnë për pikun që në javët e muajt e ardhshëm mund të çoj deri në 4 mijë bilancin e të vdekurve ditorë në SHBA, në qoftë se vaksinimi nuk merr dimensione të tjera, dhe Fauci dakordëson me parashikimin.
Në SHBA, në javën e fundit janë regjistruar shifra në rritje në të gjitha shtetet, ndërkohë që numri i të vaksinuarve ditorë është ulur në minimumin e tyre nga muaji i janarit.
Shpërndarja e variantit Delta të koronavirusit po shtyn autoritetet amerikane në një rishikim të masave, ku nuk përjashtohet rikthimi i detyrueshëm i maskave edhe për të vaksinuarit, të paktën në ambientet e brendshme publike. (A2 Televizion)
A2 CNN Livestream
MUND TE LEXONI GJITHASHTU
