Tifozët e Japonisë vazhdojnë të japin shembullin më të mirë nëpër stadiume. Edhe kësaj radhe, pavarësisht se të mërzitur për humbjen e kombëtares së tyre ndaj Kosta Rikës në ndeshjen e dytë të grupit, ata qëndruan pas vërshëllimës së fundit të arbitrit për të pastruar shkallët e stadiumit nga mbeturinat.
Me qese në duar, ata mblodhën shishet dhe ambalazhet e ushqimeve që kishin lënë pas në stadiumin “Ahmad Bin Ali”.
“Këta janë fituesit e vërtetë të Botërorit”, shkruan një komentues në Twitter.
Ndërsa llogaria zyrtare e FIFA-s i vlerësoi me këto fjalë: “Në fitore apo humbje, gjithmonë tregojnë respekt. Faleminderit që ndihmoni për të shpëtuar planetin, tifozë japonezë”.
Pastrimin e stadiumit, japonezët e kanë bërë edhe në turne madhorë të mëparshëm. (A2 Televizion)
A2 CNN Livestream
MUND TE LEXONI GJITHASHTU
