Një përfaqësi e anëtarëve të Kryesisë së degëve 6 dhe 3 të Partisë Demokratike në Tiranë lexuan para kamerave shumicën e emrave të delegatëve që kanë firmosur thirrjen e Kuvendit Kombëtar të PD-së në datën 11 dhjetor, datë e propozuar nga Sali Berisha.
Sipas verifikimeve që thanë se kryen në zyrën e kreut të Këshillit Kombëtar, rezulton se të gjithë formularët e firmosur në degët e tyre janë të vlefshëm.
“80 prej delegatëve të degës numër 6 kane firmosur 58 prej tyre kanë pranuar që t’u bëhen publik emrat. Janë 65 formular e lexova këto emra sepse 7 personat e tjerë janë në marrëdhënie pune dhe nuk donin t’u dilnin emrat. I kemi telefonuar të gjithë dhe kanë rezultuar 100%”, u shpreh Onelda Zefi, kryetare e LDG, dega 6.
Të martën ishte deputeti i PD-së, Agron Shehaj i cili shkoi në zyrën e kryetarit të Këshillit Kombëtar të PD-së, Edi Paloka për të bërë verifikimin e firmave në degët 5 dhe 7 në Tiranë nga ku rezultoi se më shumë se 56% e delegatëve në këto 2 degë kishin firmosur thirrjen e Kuvendit Kombëtar në datën 11 dhjetor. (A2 Televizion)
A2 CNN Livestream
MUND TE LEXONI GJITHASHTU
