Udhëheqës e krerë qeverish janë mbledhur në kryeqytetin francez, për forumin e Parisit për Paqen. Në prag të forumit, presidenti francez Emanuel Macron, priti liderët botërorë në pallatin Elize.
I zhvilluar për herë të parë vitin e kaluar, me rastin e 100 vjetorit të luftës së parë botërore, Macron shpreson se forumi do të ndihmojë ne shmangien e rrëshqitjes në kurthet e së kaluarës, duke promovuar multilateralizmin.
Qëllimi i tij, ishte të tregonte fuqinë e pajtimit, një shekull pasi Europa u copëtua nga një prej konflikteve më të përgjakura në histori.
Samiti dy ditor do të fokusohet në çështje të tilla si paqja dhe siguria, zhvillimi ekonomik, çështjen ambientaliste dhe teknologjitë e reja. Presidenti shqiptar Ilir Meta, i cili po merr pjesë në forum, shprehu kënaqësinë për takimin e zhvilluar mbrëmjen e së hënës me Macron, dhe e quajti bashkëpunimin me Francën si shumë të rëndësishëm për të ardhmen europiane.
Të pranishëm në Samit edhe presidenti i Kosovës, Hashim Thaci. Ai njoftoi se kishte zhvilluar një takim më Macron, ku ishte folur për perspektivën euroatlantike, dialogun me Serbinë dhe të ardhmen e të gjithë Ballkanit Perëndimor. (A2 Televizion)
A2 CNN Livestream
MUND TE LEXONI GJITHASHTU
