Dukej një përrallë deri në minutën e fundit, por Paderborni u ndesh me realitetin e hidhur të futbollit.
Ekipi me të cilin përfundon klasifikimi i Bundesligës, me vetëm 54 pikë përpara sfidës së sotme, po përjetonte ndeshjen e jetës në stadiumin e nxehtë të Borussia Dortmund.
Kundërsulmet e tyre në pjesën e parë tronditën mbrojtjen e ekipit elitar, që për tre herë lejoi sulmuesit e ekipit ku luan edhe mesfushori kuqezi Klaus Gjasula të mundte portierin Burki.
Protagonist absolut sulmuesi Streli Mamba, që deri vitin e kaluar luante në kategorinë e tretë gjermane me Energie Cottbus, i cili realizoi dy gola cilësorë.
Miqtë kalojnë madje në avantazh të trefishtë, por pjesa e dytë i zgjon në mënyrë dramatike nga “ëndrra”.
Sancho shkurton rezultatin në të 47-ën, por miqtë rezistojnë dhe duket sikur mund të përfitojnë tre pikë të arta për shpresat për mbijetesë.
Por në minutën e 84 dhe 92 dy goditje me kokë të Witsel dhe Reus barazojnë një rezultat që para ndeshjes do të vlente si fitore për Paderbornin, por që dhomën e zhveshjes do të jetë përjetuar si një makth. (A2 Televizion)
A2 CNN Livestream
MUND TE LEXONI GJITHASHTU
