Një shtetas nga Rhode Island u arrestua javën e kaluar pasi agjentët e forcave speciale zbuluan pjesë të një pistolete gjysmë automatike të çmontuar e të futur brenda dy kavanozave me gjalpë kikiriku në bagazhin e tij.
Agjencia tha se një çantë e kontrolluar që përmbante kavanozët e gjalpit të kikirikut shkaktoi një alarm në një njësi me rreze X në aeroportin JFK më 22 dhjetor. Inspektimi më i afërt zbuloi pjesët e armës, të mbështjella me plastikë dhe "të bllokuara" në dy kavanoza të asaj që duket të jetë “Jif” markë gjalpë kikiriku. Karikatori i armës ishte i mbushur me plumba.
Policia e Autoritetit Portual konfiskoi pjesët e pistoletës dhe arrestoi poseduesin e saj.
Udhëtarët që planifikojnë të sjellin armë zjarri në një avion duhet të kenë lejet e duhura, të deklarojnë armët e tyre dhe t'i paketojnë ato sipas udhëzimeve të TSA. Dënimi civil për përpjekjen për të sjellë armë të padeklaruara në një fluturim mund të jetë deri në 15,000 dollarë. (A2 Televizion)
A2 CNN Livestream
MUND TE LEXONI GJITHASHTU
