Disa raketa goditën zonat e banuara, në Kabul, kryeqytetin e Afganistanit, duke vrarë të paktën tetë civilë dhe duke plagosur 31, thanë zyrtarët e policisë.
Disa nga shpërthimet ndodhën afër zonave diplomatike, duke paralajmëruar ambasadat dhe kjo vjen dy ditë para një konference të madhe donatorësh për Afganistanin, në Gjenevë.
Zëdhënësi i Ministrisë së Brendshme, Tariq Arian, tha se të paktën tetë civilë ishin vrarë në sulm dhe 31 të plagosur. Një zyrtar i ministrisë së Shëndetësisë tha se pesë trupa dhe 21 të plagosur u dërguan në spital pas incidentit.
Arian tha se terroristët montuan 14 raketa në një kamion të vogël, duke shtuar se po vazhdon hetim për të zbuluar se si automjeti hyri brenda qytetit.
Disa banorë filmuan raketat dhe i postuan ato në rrjetet sociale. Disa fotografi që qarkullojnë në Facebook treguan makina të dëmtuara, xhama të thyer dhe shkatërrim të shtëpive të banimit.
Një fotografi e një vëllai dhe motre të re, për të cilët zyrtarët thanë se u vranë në shtëpinë e tyre, u shpërnda gjerësisht në Facebook.
Një nga raketat ra në afërsi të ambasadës iraniane, duke goditur ndërtesën kryesore, por nuk pati viktima në mesin e stafit, tha ambasada në një deklaratë. (A2 Televizion)
A2 CNN Livestream
MUND TE LEXONI GJITHASHTU
