Rritja e infektimeve nga gripi i stinës ka shtuar komplikacionet dhe shtrimet në spitale. Fëmijët dhe personat mbi 50 vjeç janë pacientët më të shpeshtë që i drejtohen urgjencave në këtë periudhë. Vetëm në spitalin e sëmundjeve të mushkërive çdo ditë paraqiten deri 50 pacientë me probleme të shkaktuara nga gripi.
Sipas të dhënave nga Organizata Botërore e Shëndetësisë gripi i këtij viti, ai i tipit A, që është në qarkullim edhe ne vendin tonë është më agresiv se dy sezonët e mëparshëm.
Madje këtë periudhë gripi i stinës po dominon edhe koronavirusin i cili vijon të qarkullojë por me raste shumë të pakta. Mjekët këshillojnë popullatën të mos neglizhojë gripin, veçanwrisht nëse shqetësimet zgjasin më shumëse 5 ditë.
Instituti i Shëndetit Publik ka konfirmuar se ne vendin tonë është në qarkullim gripi i tipit A, varianti BA4 dhe BA5 i Omicron, dhe virusi respirator sinsincial. Epidemiologët presin që piku i infektimeve nga gripi të arrijë në muajin janar. (A2 Televizion)
A2 CNN Livestream
MUND TE LEXONI GJITHASHTU
