Gazetari Lutfi Dervishi, i ftuar në studion e “Absolut 4” në A2, komentoi hapjen e fushatës së Partisë Socialiste dhe Partisë Demokratike, të cilat zhvilluan sot, pothuajse në të njëjtën orë, eventet e tyre.
“Ishin mitingje në kushte të jashtëzakonshme, e vështirë që të kuptosh shumë, edhe për faktin se u bënë pothuajse në të njëjtën orë. Demokratët u përpoqën të imitonin pa sukses modelin e fushatës Biden, me njerëzit në makinat e tyre, dhe mendoj se ishte autogol. Ndërsa kryeministri, në një pjesë të mirë të fjalimit të tij, duket se kishte në fokus mitingun e PD-së. Më shumë se çfarë bëmë e do të bëjmë, u mor me opozitën”, deklaroi Dervishi.
“Fjalimet kishin dy shina: nëse PD e kishte mesazhin kryesor kthimin në normalitet, fjalimi i kryeministrit kishte më tepër shënjestër Presidentin, ish-kryeministrin dhe Monika Kryemadhin. LSI-ja duket se do të jetë fokusi i sulmeve. Premtimet për rritje rrogash e ulje taksash janë të bukura për t’u dëgjuar, por si do të dalin paratë? Nuk mund të presim mrekulli edhe për faktin se jemi në pandemi”, u shpreh Dervishi. (A2 Televizion)
A2 CNN Livestream
MUND TE LEXONI GJITHASHTU
