Një ekip ndërkombëtar i udhëhequr nga agjencia e Kombeve të Bashkuara do të shkojë në Kinë në javën e parë të janarit, për të hetuar origjinën e pandemisë së koronavirusit. Kjo u deklarua nga zyrtarët e Organizatës Botërore të Shëndetësisë të Premten.
Eksperti i OBSH-së Mike Ryan, tha se ekspertët ndërkombëtarë do të shkojnë në qytetin kinez të Wuhan, ku u zbuluan rastet e para të COVID-19 dhjetorin e kaluar.
"Ne ende nuk kemi një datë të saktë, sepse jemi duke punuar në logjistikën rreth vizave dhe fluturimeve. Presim që ekipi të shkojë atje në javën e parë të janarit. Do të ketë rregullime karantine”, tha Ryan në një konferencë shtypi.
"Ekipi do të vizitojë Wuhan-in dhe qëllimi i misionit është të shkojmë në pikën origjinale në të cilën u zbuluan rastet njerëzore. Ata do ta bëjnë këtë, ”shtoi ai. (A2 Televizion)
A2 CNN Livestream
MUND TE LEXONI GJITHASHTU
