Këshilltari i lartë i Departamentit amerikan të Shtetit, Derek Chollet, dhe i dërguari për Ballkanin Perëndimor, Gabriel Escobar nisin sot vizitën zyrtare në Kosovë, ku pritet të takohen me krerët më të lartë të shtetit.
Vizita e dy zyrtarëve amerikanë në Prishtinë vjen në një kohë kur incidentet në veri të Kosovës janë rikthyer, së bashku me bllokimin e rrugëve.
Dhjetëra serbë vendosën 2 ditë më parë barrikada në Jarinjë dhe Bërnjak, për të kundërshtuar arrestimin e një ish-zyrtari serb të policisë së Kosovës, i cili dyshohet si i përfshirë në disa akte kundër sigurisë.
Dejan Pantiç akuzohet si i dyshuari kryesor i organizimit të sulmeve kundër zyrtarëve të Komisionit Qendror të Zgjedhjeve në veri të Kosovës dhe atyre policorë.
Sulmet ndodhën derisa KQZ-ja po bënte përgatitje për zgjedhjet lokale në komunat veriore Leposaviç, Zveçan, Mitrovicë e Veriut dhe Zubin Potok, të cilat tashmë janë shtyrë nga presidentja Osmani, kjo edhe për shkak të presionit të ndërkombëtarëve. (A2 Televizion)
A2 CNN Livestream
MUND TE LEXONI GJITHASHTU
