Kilian Mbappe do të jetë futbollist i ardhshëm i Real Madrid. Kjo është diçka thuajse e sigurt, por koha se kur francezi dhe klubi spanjoll do të bashkohen mbetet për t’u parë. Madrilenët janë gati për të sprintin final dhe do të provojnë gjithçka për ta afruar yllin e PSG që këtë vit. Sipas asaj që raporton spanjollja “AS”, Real do të shpalosë më 30 gusht, një ditë pas ndeshjes së Paris kundër Rëms dhe një ditë përpara mbylljes së merkatos, super ofertën për blerjen e Mbappe.
Merengues janë gati të vendosin në tavolinë 130 deri në 170 milion euro për sheikët e Paris Saint Germain në mënyrë që të lënë të lirë futbollistin, të cilit i skadon kontrata vitin e ardhshëm. Presidenti Al-Khelaifi dhe bashkëpunëtorët e tij janë përballë një zgjedhjeje të vështirë, për faktin se nuk duan që të largohet aseti i tyre por në të njëjtën kohë, nëse nuk e lënë francezin të lirë vitin e ardhshëm do ta humbasin me parametra zero.
Kjo është strategjia e Real, që ka vendosur sheikët përballë një mali me para në mënyrë që të nisin bisedimet.
Spanjollët i kanë sugjeruar edhe Mbappe të mbajë një profil të ulët me deklaratat publike, të bindur nga dëshira e yllit francez për t’ju bashkuar Real. Deri më tani nuk ka patur lëvizje në kampin e Paris, por nëse oferta bëhet zyrtare, tundimi i francezëve do të ishte me të vërtet i madh. (A2 Televizion)
A2 CNN Livestream
MUND TE LEXONI GJITHASHTU
