Irani ka njoftuar sot mbikëqyrësit bërthamorë të Kombeve të Bashkuara se planifikon të instalojë tri kaskada të tjera, ose grupe, të centrifugave të përparuara IR-2m në uzinën e saj nëntokësore të pasurimit të uraniumit në Natanz. Në një raport të marrë nga Reuters mësohet se agjencia njoftoi sot shtetet anëtare mbi këtë plan.
"Irani informoi Agjencinë se operatori i Fabrikës së Pasurimit të Karburantit (FEP) në Natanz synon të fillojë instalimin e tri kaskadave të makinave centrifuga IR-2m' në FEP", shkroi agjencia.
Marrëveshja bërthamore e Iranit me fuqitë e mëdha thotë se Teherani mund të përdorë vetëm centrifuga të gjeneratës së parë IR-1, të cilat janë më pak efikase, në uzinën nëntokësore dhe se këto janë të vetmet makina me të cilat Irani mund të grumbullojë uranium të pasuruar. (A2 Televizion)
A2 CNN Livestream
MUND TE LEXONI GJITHASHTU
