Mark Clattenburg, ish-arbitri i njohur anglez, i cili ka pasur një karrierë në Premier League nga viti 2004 deri në vitin 2017, ka treguar se cilët kanë qenë lojtarët më “mistrecë” që ka parë.
Ish-gjyqtari ka qenë një nga më të mirët e viteve të fundit, duke iu besuar finalja e Evropianit dhe e Champions League, në vitin 2016.
Për “Daily Mail”, ai ka treguar se cilët kanë qenë futbollistët më të vështirë për nga karakteri. (A2 Televizion)
Craig Bellamy - Ishte i pasjellshëm. Sido që t'i flisje, të kthente përgjigjje të papranueshme. 
Rio Ferdinand - Gjithmonë mundohej të bënte presion pas çdo vendimi, në mënyrë që në episodin e ardhshëm të mbaje anën e tij. 
Pepe - Nuk i besoje dot kurrë. Kur ndeshja shkonte vaj, gjithmontë bënte diçka për ta turbulluar situatën. 
Roy Keane - Luante ashpër dhe ishte i paparashikueshëm. As atij nuk mund t'ia kishe besën. 
Jens Lehmann - Gjithmonë ankohej nëpër goditje këndi. Sa herë futej krosimi në zonë dhe dikush e prekte pak, çmendej fare. Bërtiste dhe zihej me kundërshtarët.
A2 CNN Livestream
MUND TE LEXONI GJITHASHTU
