“Jelekët e Verdhë” pushtuan sërish rrugët e Francës këtë të shtunë, në fundjavën e 10-të radhazi të protestave anti-qeveritare.
Manifestuesit kundërshtojnë me forcë përpjekjet e presidentit Emmanuel Macron për të kanalizuar zemërimin e tyre në një sërë debatesh në bashkitë e qyteteve franceze.
Protestuesit u mblodhën në Champs Elysees, kullën Eiffel dhe në afërsi të parlamentit në Paris. Numri i qytetarëve, që marrin pjesë në këto tubime, vjen gjithmonë e në rënie.
Për mbarëvajtjen e manifestimit në kryeqytet janë angazhuar 5 mijë agjentë. Protestat e “Jelekëve të Verdhë” nisën për të kundërshtuar taksën që rriste çmimin e karburanteve, por tani është kthyer në një revoltë anti-qeveritare. (A2 Televizion)
A2 CNN Livestream
MUND TE LEXONI GJITHASHTU
