Kalon për gjykim çështja e inceneratorit të Elbasanit

Çështja e inceneratorit të Elbasanit ka kaluar për gjykim.

Në seancën paraprake të zhvilluar të martë që shkoi, prokurorët e SPAK kërkuan kalimin në gjykim të çështjes, ku janë të pandehur edhe ish-ministri i Mjedisit, Lefter Koka dhe ish-deputeti i PS-së, Alqi Bllako.

Përmes avokatëve të tyre, Koka dhe Bllako kanë kundërshtuar akuzat e ngritura nga SPAK dhe kanë kërkuar pushimin e tyre.

Kujtojmë se Koka u arrestua fillimisht i akuzuar për korrupsion në procedurën për inceneratorin e Fierit, ku dyshohet se ka përfituar 1,2 milionë euro. Gjithashtu, SPAK pretendon se Koka ka përfituar 3,7 milionë euro për favorizimet në inceneratorin e Elbasanit.

Lefter Koka, akuzuar për kryerjen e veprave penale “Shpërdorimi i detyrës”, e kryer në bashkëpunim, “Korrupsioni pasiv i funksionarëve të lartë shtetërore ose i të zgjedhurve vendorë”,  “Pastrimi i produkteve të veprës penale apo veprimtarisë kriminale”, e kryer në rrethanën cilësuese në bashkëpunim.

Alqi Bllako, akuzuar për kryerjen e veprës penale “Shpërdorimi i detyrës”, e kryer në bashkëpunim.

Pëllumb Abeshi, akuzuar për kryerjen e veprës penale “Shpërdorimi i detyrës”, e kryer në bashkëpunim.

Bardhul Çabiri, akuzuar për kryerjen e veprës penale “Shpërdorimi i detyrës”, e kryer në bashkëpunim.

Serafin Papa, akuzuar për kryerjen e veprës penale “Shpërdorimi i detyrës”, e kryer në bashkëpunim.

Etleva Kondi, akuzuar për kryerjen e veprës penale “Shpërdorimi i detyrës”, e kryer në bashkëpunim.

Jonida Zeqo, akuzuar për kryerjen e veprës penale “Shpërdorimi i detyrës”, e kryer në bashkëpunim.

Mirel Mërtiri, akuzuar për kryerjen e veprave penale “Korrupsioni aktiv i funksionarëve të lartë shtetërore ose i të zgjedhurve vendorë”, e kryer në bashkëpunim dhe “Pastrimi i produkteve të veprës penale apo veprimtarisë kriminale”, e kryer në rrethanën cilësuese në bashkëpunim.

Stela Gugallja, akuzuar për kryerjen e veprave penale “Korrupsioni aktiv i funksionarëve të lartë shtetërore ose i të zgjedhurve vendorë”, e kryer në bashkëpunim dhe “Pastrimi i produkteve të veprës penale apo veprimtarisë kriminale”, e kryer në rrethanën cilësuese  në bashkëpunim.

Klodian Zoto, akuzuar për kryerjen e veprave penale “Korrupsioni aktiv i funksionarëve të lartë shtetërore ose i të zgjedhurve vendorë”, e kryer në bashkëpunim dhe “Pastrimi i produkteve të veprës penale apo veprimtarisë kriminale”,e kryer në rrethanën cilësuese  në bashkëpunim, parashikuar.

Shoqëria tregtare “Albtek Energy” sh.p.k, akuzuar për kryerjen e veprave penale “Korrupsioni aktiv i funksionarëve të lartë shtetërore ose i të zgjedhurve vendorë”, e kryer në bashkëpunim, dhe “Pastrimi i produkteve të veprës penale apo veprimtarisë kriminale”, e kryer në rrethanën cilësuese  në bashkëpunim. (A2 Televizion)

Të pandehurit e çështjes