Presidenti i Rusisë, Vladimir Putin është shprehur ditën e sotme se kërcënimi për një luftë të mundshme bërthamore është në rritje.
Deklaratat, lideri rus i bëri gjatë një video-konference në një takim të Këshillit të tij për të Drejtat e Njeriut këtë pasdite.
Putin pohoi gjithashtu se Rusia nuk ka armë bërthamore taktike në vende të tjera "ndryshe nga Shtetet e Bashkuara." Ai shtoi se Kremlini i ka armët më të avancuara, por nuk do që t’i përdorë.
Po ashtu, Putin tha se nuk është ai që e nisi luftën në Ukrainë, por përkundrazi sipas tij, çdo gjë nisi me një grusht shteti në vitin 2014, kur Krimea u pushtua nga Moska.
Ai shtoi gjithashtu se Rusia nuk ka pasur asnjë shans për të zgjidhur situatën në Ukrainë", ku forcat e Kremlinit kanë nisur luftën që nga fundi i shkurtit.
Putin më pas pretendoi se Polonia, e cila është fqinje me Ukrainën, shpreson të pushtojë territore në perëndim të vendit. Polonia ka mirëpritur miliona refugjatë ukrainas në muajt e fundit. (A2 Televizion)
A2 CNN Livestream
MUND TE LEXONI GJITHASHTU
